«Alla osylai jazğan, men ne ısteiın?» dep aitu dūrys pa?

Tağdyr men qazağa senu – iman negızderınıñ bırı. Degenmen adamdar tağdyrdy syltau etıp, özderın jauapkerşılıkten bosata almaidy. Adamnyñ «Alla osylai jazğan, mağan osylai jazylypty, men ne ısteiın?» dep künä ısteuı dūrys bolmağany siiaqty, künä ıstegennen keiın tağdyrdy syltau etıp özın kınäsız sanauy da dūrys emes.

Qūl jauapkerşılık tudyratyn ısterdı qalauymen jasaidy, bıraq jaratuşy emes; öitkenı jaratuşy – Alla (s.t.). Qūran Kärımde: «Alla – barlyq närsenıñ Jaratuşysy» (äl-Änğam, 6/102) delıngen. Barlyq närsenıñ Jaratuşysy Alla bolğanymen, būl bızge jauapkerşılıkten qaşyp, jaman jäne qate ısterdı Allağa artuğa sebep bolmauy kerek. Būl – tağdyr senımın terıs paidalanu bolady. Sondai-aq tağdyr men qazağa senıp, eñbektenudı toqtatu, jaqsy nätijege jetu nemese jaman nätijelerdıñ aldyn alu üşın qajettı sebepterge jügınbeu jäne saqtyq şaralaryn qoldanbau – İslamnyñ tağdyr tüsınıgıne sai kelmeidı. Sebebı Alla barlyq närsenı belgılı sebepterge bailanystyrğan. Adam osy sebepterdı oryndasa, Alla (s.t.) sol sebepterdıñ nätijesın jaratady. Būl – ilähi zañdylyq jäne tağdyr.

Qorytyndylai kele, adamnyñ jauapkerşılık salasyna kıretın mäselelerde «Men ne ısteiın, tağdyrym osylai» deuı dūrys emes. Adam Alla jauapkerşılık jüktegen ısterde erkın bolğandyqtan, senımı men amaldary üşın esepke tartylady.

Derekköz: T.C. Diyanet İşleri Başkanlığı, Din İşleri Yüksek Kurulu