Alla qaida?

Uaqyt pen meken Alla tarapynan jaratylğan jäne şekteulılıktı bıldıredı. Sondyqtan uaqytqa nemese mekenge täueldı bolu — jaratylğandarğa tän qasiet. Al Alla — Jaratuşy. Sol sebeptı Allany uaqytpen nemese mekenmen şekteuge bolmaidy.

Uaqyt pen mekennen päk bolğan Alla Tağala ärdaiym qūldaryna jaqyn jäne olarmen bırge. Qūran Kärımde būl mağynany bıldıretın köptegen aiattar bar; «Qūldarym sağan Men turaly sūrasa (ait olarğa): Men öte jaqynmyn. Mağan dūğa etkennıñ tılegıne jauap beremın. Endeşe olar da Menıñ şaqyruyma jauap bersın jäne Mağan sensın, sonda tura joldy tabady.» (äl-Baqara, 2/186), «Adamdy Bız jarattyq jäne onyñ näpsısınıñ ne sybyrlaitynyn bılemız, ärı Bız oğan küre tamyrynan da jaqynbyz.» (Qaf, 50/16), «Ol — kökter men jerdı alty künde jaratqan, sosyn Arşyğa istiua etken... Qaida bolsañdar da, Ol sendermen bırge. Alla ıstegenderıñdı köredı.» (äl-Hadid, 57/4)

«Rahman Arşqa istiua ettı.» (Taha, 20/5) siiaqty mutäşabih aiattarğa süienıp, Alla aspanda dep tüsındırudı İslam ğalymdarynyñ köpşılıgı qabyldamağan. Sebebı būl jäne ūqsas aiattardyñ mağynasy mutäşabih bolyp, Allanyñ ūlylyğyn bıldıredı. Bız Allany sipattarymen tanysaq ta, Onyñ zaty bızdıñ tüsınıgımız ben qiialymyzdan tys. Mūsylmanğa tiesılısı — Allanyñ adamğa küre tamyrynan da jaqyn ekenın bılıp, iman men amal arqyly Rabbysyna bet būryp, qūlşylyq mındetın oryndauğa tyrysu.

Derekköz: T.C. Diyanet İşleri Başkanlığı, Din İşleri Yüksek Kurulu