Farz namazdardyñ üşınşı jäne törtınşı räkatynda Fatihadan keiın nege basqa aiat nemese süre oqylmaidy?

Qūranda qūlşylyqtar egjei-tegjeilı körsetılmei būiyrylğan. Farz, uäjıp nemese näpıl barlyq qūlşylyqtardyñ qalai jäne qandai türde oryndalatynyn Paiğambarymyz (s.a.s.) belgılegen. Namazdyñ qanşa räkat oqylatynyn, qai jerde jäne qalai qyrağat, zıkır, täsbih, tahmid nemese dūğa jasalatynyn, rukuğ pen säjdenıñ qalai jäne qanşa ret bolatynyn Paiğambarymyz (s.a.s.) körsetken jäne «Men qalai namaz oqysam, sender de solai oqyñdar» (Buhari, Äzan, 18 [631]) dep būiyrğan. İağni, qūlşylyqtar qalai būiyrylsa, solai oryndauymyz kerek.

Farz namazdardyñ soñğy ekı räkatynda Fatihadan keiın süre oqylmauyn da osy tūrğyda qarastyru qajet. Sonymen qatar, farz namazdardyñ soñğy ekı räkatynda Fatihadan keiın süre oqylsa, būl namazğa ziian keltırmeidı. Hanafi mäzhabyndağy qabyldanğan pıkırge säikes säjde-sähu de qajet emes. (İbn Nüjäim, äl-Bahr, 2/102; Haläbi, äs-Sağir, 175)

Derekköz: T.C. Diyanet İşleri Başkanlığı, Din İşleri Yüksek Kurulu