Jüktı äiel namaz oqyğanda qinalsa, namazdaryn otyryp nemese işaramen oqi ala ma?

Namazdyñ rükınderınıñ bırın sebepsız tastau namazdy dūrys etpeidı. Alaida dınımızde jauapkerşılıkter adamnyñ şamasyna qarai belgılengen (äl-Baqara, 2/286), şamadan tys nemese auyr qiyndyq tuyndağan jağdaida jeñıldık joly qarastyrylğan. (äl-Baqara, 2/185) Negızınde, Paiğambarymyz (s.a.s.) namazdy qalai oqu kerektıgın sūrağan nauqas sahabağa: «Namazyñdy tık tūryp oqy. Eger oğan şamañ jetpese, otyryp, oğan da şamañ jetpese, jantaiyp oqy», – dep būiyrğan. (Buhari, Taqsiru’s-salat, 19 [1117])

Jüktı äielder, äsırese paryz namazdaryn negızgı türde oquğa tyrysuy kerek. Sebebı näpıl namazdardy otyryp oqu rūqsat etılgenımen, paryz namazdardy negızdı sebepsız otyryp oqu rūqsat etılmeidı. Alaida jüktı äieldıñ namazdy negızgı türde oquy qiyndyq nemese maşaqat tudyrsa nemese balağa qauıp töndırse, paryz namazdaryn da jerde nemese oryndyqta otyryp, işaramen oquyna rūqsat etıledı. ((Tolyğyraq: «Tık tūra almaityn nemese säjde jasai almaityn adam namazyn qalai oqidy?» atty Qūryl şeşımı – 2026/10)

Derekköz: T.C. Diyanet İşleri Başkanlığı, Din İşleri Yüksek Kurulu