Jūmys uaqyty jūma namazyna säikes keluı jūma namazyn oqymauğa negızdı syltau bola ala ma?

Jūma namazy – erkın, syltauy joq jäne tūraqty tūratyn ärbır mūsylman er adamğa paryz-ain (el-Jūma, 62/9). Jūma namazynyñ öte mañyzdy paryz ekendıgı jäne būl namazdy sebepsız tastau ülken künä sanalatyny turaly sahih hadister bar. Paiğambarymyz (s.a.s.) bylai degen: «Üş jūmany nemqūraily tastap ketken adamnyñ jüregın Alla mörleidı.» (Äbu Däuıt, Salat, 209 [1052]; Tirmizi, Jūma, 7 [500]); «Keibır adamdar jūma namazyn tastaudan bas tartpasa, Alla olardyñ jürekterın mörleidı de, olar endı ğafyldardan bolady.» (Muslim, Jūma, 40 [865]). Būl hadis şärifter jūma namazyn tastaudyñ mūsylman üşın qanşalyqty qauıptı ekenın jetkızuge jetkılıktı. Auru jäne saparda jürgendermen, jūma uaqytynda ömırlık mañyzy bar mındetterdı atqaryp jürgenderden basqa, aqyl-esı dūrys jäne baliğat jasyna jetken ärbır mūsylman er adamğa jūma namazyn oqu paryz. Qūlşylyq etu qūqyğy – dın jäne ar-ojdan bostandyğy aiasynda qarastyrylady. Bır dınge senetın adam, senım bostandyğynyñ jalğasy retınde, sol dınnıñ talaptaryn oryndau qūqyğyna da ie. Jūmys beruşı namaz oqyğysy keletın qyzmetkerlerıne jūma jäne bes uaqyt namazdaryn oqu mümkındıgın qamtamasyz etuı tiıs. Qyzmetkerlerge paryz namazdar üşın rūqsat berılmeuı dūrys emes. Mūndai jağdaida qyzmetkerler özderınıñ zañdy qūqyqtaryn ızdeuı jäne basqa jağynan özderıne balama jūmys tabuğa tyrysuy kerek. Būl mümkındıktı taba almağan jäne basqa jolmen künkörısın qamtamasyz ete almaityn adam üşın būl jağdai jaña jūmys tapqanğa deiın uaqytşa syltau bolyp sanalady.

Derekköz: T.C. Diyanet İşleri Başkanlığı, Din İşleri Yüksek Kurulu