Mas küiınde namaz oquğa bola ma?

Aldymen aita ketu kerek, alkogoldı ışımdık pen esırtkı qoldanu – haram. Sondyqtan mūsylman adamnyñ alkogoldı ışımdık ışuı nemese esırtkı qoldanuy mümkın emes. Alaida qandai da bır sebeppen būl haramdy ıstegen adam, onyñ haram ekenın joqqa şyğarmaityn bolsa, mūsylman bolyp qala beredı. Demek, ol adam qūlşylyqtardy oryndauğa mındettı. Bıraq mas bolu adamnyñ sanasyna äser etetındıkten, mūndai küide oqylğan namaz qabyl bolmaidy. Allah Tağala: «Ei, iman keltırgender! Mas küide ne aityp jatqandaryñdy bılgenşe namazğa jaqyndamañdar.» (än-Nisa, 4/43) dep būiyrğan.

Kümänsız, dūğa men qūlşylyq – sanaly türde jasalatyn amaldar. Sondyqtan barlyq qūlşylyqta mūsylman bolu, baliğat jasyna jetu jäne aqyl-esı dūrys bolu şart etılgen. Qūlşylyqtardyñ qabyl boluy üşın olardy nietpen jäne yqylaspen oryndau qajet. Osy sebeptı namaz oqityn, oraza ūstaityn nemese dūğa jasaityn adamnyñ ne aityp, ne ıstep jatqanyn bıletındei esı dūrys, aiyqqan boluy kerek. Osy tūrğydan alğanda, haram bolsa da, alkogol ışken nemese esırtkı qoldanğan adam ne aityp, ne ıstep jatqanyn bılmeitındei mas bolmasa, iağni ne ıstep, ne oqyp jatqanyn tüsınetındei sanasy bolsa, namazyn oquy tiıs. Būl üşın belgılengen naqty uaqyt joq.

Derekköz: T.C. Diyanet İşleri Başkanlığı, Din İşleri Yüksek Kurulu