Nifas kezeñı qanşa uaqytqa sozylady? Osy kezeñde oryndalmaityn ğibadattardyñ ükımı qandai?

Nifas — bosanğan, tüsık jasağan nemese abort bolğan äieldıñ belgılı bır uaqyt boiy köretın qany. Būl jağdaidağy äiel «nifastağy äiel» dep atalady. Är äieldıñ nifas kezeñı ärtürlı boluy mümkın. Būl äielderdıñ fizikalyq qūrylymyna, tūqym qualauşylyq jäne qorşağan orta jağdailaryna bailanysty özgeredı.

Nifas kezeñınıñ tömengı şegı joq. Joğarğy şegı — Hanafi mäzhabyna säikes qyryq kün, Şafiği mäzhabyna säikes alpys kün. Osy joğarğy şekterden keiın körıngen qan nifas emes, üzır qany bolyp sanalady. Sonymen qatar, nifas künderındegı qan bıraz uaqyt toqtap, keiın qaita jalğassa, qan toqtağan künder de nifasqa jatady. (Aliiiu’l-Kari, Fäthu babi’l-inaia, 1/148; Şirbini, Muğni’l-muhtaj, 1/294)

Äielder haiyz jäne nifas kezınde jynystyq qatynasqa tüse almaidy, sondai-aq osy kezeñdegı äielmen jynystyq qatynas jasau da haram. Sonymen qatar, haiyz jäne nifastağy äielder namaz oqi almaidy, oraza ūstai almaidy (Buhari, Haiyz, 6 [304]; Muslim, Haiyz, 67-69 [335]) jäne Qağbany tauaf ete almaidy. (Buhari, Haiyz, 1, 7 [294, 305]; Muslim, Haj, 111, 119-120 [1211]) Äielder haiyz jäne nifas kezınde oqi almağan namazdaryn keiın qazasyn ötemeidı, bıraq ūstai almağan orazalaryn qaza etedı. (Muslim, Haiyz, 67-69 [335])

Qyryq kün tolmai nifas qany toqtağan äiel ğūsyl alyp, ğibadattaryn oryndai bastaidy.

Derekköz: T.C. Diyanet İşleri Başkanlığı, Din İşleri Yüksek Kurulu