Periton dializıne kırgen nauqastyñ däretı būzyla ma?

Periton dializı — büirek jetıspeuşılıgı kezınde qoldanylatyn emdeu ädısı. Būl ädıste qūrsaq quysyna kateter qoiylady. Osy kateter arqyly dializ sūiyqtyqtary qūrsaq quysyna jıberıledı. Qūrsaq perdesı süzgı qyzmetın atqarady. Qandağy ziiandy zattar men artyq sūiyqtyqtar qūrsaq quysyndağy sūiyqtyqqa ötedı. Būl sūiyqtyq şyğarylğanda, ağzada jinalğan artyq sūiyqtyq pen uly zattar deneden şyğarylady.

Joğaryda tüsındırılgendei, periton dializı qoldanylatyn büirek nauqastarynyñ qūrsaq quysyna jıberılıp, keiın şyğarylatyn sūiyqtyqtar şariğat boiynşa ağzadan şyğatyn näjıs ükımındegı zat bolyp sanalady. Sondyqtan, zärden saqtanuda körsetıletın ūqyptylyq būl suğa da qoldanyluy tiıs. Atalğan sūiyqtyqtyñ aitylğandai ağzadan şyğuy nemese şyğaryluy, ädettegı jağdaida ağzadan şyğatyn şariğat boiynşa näjıs sanalatyn zattar siiaqty därettı būzady. Kiımge nemese denege tise, ol jerdı juu kerek. (Kasani, Beda’i, 1/19; Merğinani, äl-Hidaia, 1/17)

Derekköz: T.C. Diyanet İşleri Başkanlığı, Din İşleri Yüksek Kurulu