Siqyr men duadan qorğanu üşın ne ısteu kerek?

İslam dını siqyrdy ülken künälardyñ qataryna qosyp, ony qatañ türde tyiğan. Qūran Kärımde siqyr jasauşylardyñ aqyretten ülesı bolmaityny jäne olardyñ jamandyğynan Allağa syiynu kerektıgı erekşe atap körsetılgen. (äl-Baqara, 2/102; äl-Fälaq, 113/4) Paiğambarymyz (s.a.s.) da siqyr jasaudy jetı ülken künänıñ bırı dep atağan. (Buhari, Uäsaia, 23 [2766]; Hudud, 44 [6857]; Muslim, İman, 145 [89])

Jähiliia däuırınde siqyr men dualau keñ taralğan edı. Jyn şaqyru, bal aşu, jūldyzdardan ükım şyğaru, oqqa jügınu, jıpke tüiın salyp ürleu siiaqty amaldar jasalatyn. Müşrıkter osy jağdaidyñ äserımen Qūrandy da siqyr dep aiyptauğa deiın barğan edı. (Sad, 38/4; äz-Zariiat, 51/52)

Siqyr men duadan qorğanudyñ eñ tiımdı joly — Allağa syiynu jäne Oğan senım artu. Paiğambarymyz (s.a.s.) barlyq jamandyqtan Allağa syiynyp, ünemı Fälaq jäne Nas sürelerın, sondai-aq Aiatül-Kürsidı oqityn bolğan. (Buhari, Uäkalät, 10 [2311]; Fäzailül-Qūran, 10, 14 [5010, 5016-5017]) Sonymen qatar, ol nemerelerı Hasan (r.a.) men Huseindı (r.a.) köz tiiu, siqyr jäne basqa da jamandyqtardan qorğau üşın myna dūğany oqyğan:

أَعُوذُ بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْنٍ لاَمَّةٍ

“Kemşılıksız Allanyñ sözderıne barlyq şaitannan, uly jändıkterden jäne barlyq jaman közderden syiynamyn.” (Buhari, Ähadisul-änbiia, 10 [3371]) Būdan bölek, siqyr jasaldy dep küdıktengen adam şipany Alladan ümıt etıp, senımdı adamdarğa Qūran oqytyp, dūğa jasatsa, eşqandai aiyp joq. Dıni Ister Joğarğy Keñesınıñ 1979 jylğy 28 qyrküiektegı 1883 nömırlı şeşımınde: «Şipany Alladan ümıt etıp, nauqastarğa Qūran Kärım men şipağa qatysty dūğalardy oqu — rūqsat, al halyqty aldau jäne ğaiyptan habar beru maqsatynda dem salu — dınde tyiym salynğan» dep körsetılgen.

Derekköz: T.C. Diyanet İşleri Başkanlığı, Din İşleri Yüksek Kurulu