TURMYSQA ŞYQQAN QYZDYN TEGIN AUYSTYRUYNA BOLA MA?

Şariatta ärbir adam öz tegi men ataluyı tiis. Alla Tağala Qur'anda:

ادْعُوهُمْ لِآبَائِهِمْ هُوَ أَقْسَطُ عِندَ اللَّهِ

«Asyrandy balalarıñdy öz äkeleriniñ atımen atañdar. Allanıñ quzırında eñ durısı sol» [1], – dep buyırdı.

Osy ayattı alğa tartıp keybir ğalımdar turmysqa şyqqan qızğa küyeuiniñ tegine ötuge tıyım saladı [2]. Al keybir ğalımdar äyeldiñ küyeuiniñ familiyasına ötu ğurıpta qalıptasqan äri elge tanıtu maqsatı bolsa oqasy joq deydi [3]. Öytkeni Qur'anda: «Nuh'tıñ äyeli jäne Lut'tıñ äyeli» [4] dep äyelderdi küyeuiniñ atımen tanıtyp tur.

Äbu Sağid äl-Hudriden (Alla oğan razı bolsyn) riwayat etilgen hadiste: «Mäsğudulınıñ äyeli Zeynep (Alla oğan razı bolsyn) Alla elşisine (oğan Allanıñ salauaty men sälemi bolsyn) kelip (kiruge) ruqsat suraydı. «Ua Allanıñ Elşisi! Zeynep kiruge ruqsat surap tur!» – degen de, ol: «Qaysy Zeynep?» , – dep suraydı. «Mäsğudulınıñ äyeli», – dep jauap beredi. Ol: «Kirsin» deydi. Sonda oğan kiruge ruqsat beredi» [5].

Sondyqtan turmysqa şyqqan äyel öz äkesiniñ atımen ataluyı tiis. Onı özgertu – haram. Al küyeuiniñ tegine auysuınıñ oqasy joq, biraq mindetti emes. Küyeui de onı öz tegin aluga mäjbürleui durys emes.

QMDB Şariat jäne pätua bölimi

• [1] «Ahzab» süresi, 5-ayat.

• [2] https://www.fatawah.net/Questions/11366.aspx

• [3] Ayman Abdulhamit äl-Bädärayni, «Fätäua mağasara», 2/113-116.

• [4] «Tahrim» süresi, 10-ayat.

• [5] Buhari, №1462. Muslim, №80.