Zekettı azamattyq qoğam ūiymdaryna beruge bola ma?

Zekettıñ qaida berıletını Täube süresınıñ 60-aiatynda anyq körsetılgen. Osyğan säikes, zeket negızınen kedeiler men mūqtaj jandardyñ aqysy bolyp tabylady. Sondyqtan, belgılı şarttarğa sai mūsylmandardyñ mındettı zeket jäne pıtır sadaqasyn Qūran Kärımde körsetılgen oryndardan basqa jerlerge nemese meşıt, köpır, jol, mektep, su siiaqty qaiyrymdylyq ısterıne jūmsau dūrys dep sanalmaidy. Būl qağida saqtalmai, zeket nietımen jasalğan tölemder zeket ornyna ötpeidı. Zeket, oğan laiyq jandarğa tıkelei berılgendei, deldal arqyly da jetkızıluı mümkın. Būl deldaldyñ jeke adam nemese ūiym boluynyñ aiyrmaşylyğy joq. Osyğan säikes, qaiyrymdylyq ūiymy nemese azamattyq qoğam ūiymy jinağan zeketterdı Qūranda körsetılgen oryndarğa/kedei men mūqtajdarğa jetkızetın bolsa, osyndai ūiymdarğa zekettı mūqtajdarğa jetkızu ökılettıgı berıluı mümkın.

Al zekettı şynaiy mūqtajdarğa jetkızbei, qūrylys, jaryqtandyru, keñse şyğyndary siiaqty jalpy qyzmetterge jūmsaityn ūiymdarğa zeket berılmeidı.

Halyqqa qyzmet körsetetın osyndai ūiymdardyñ ömırşeñdıgın saqtau üşın olardy qoldau mañyzdy. Alaida būl, zeketten tys erıktı kömekter arqyly jüzege asyryluy tiıs. Sonymen qatar qoğamdyq jäne jeke baqylau da nazardan tys qalmauy kerek.

Derekköz: T.C. Diyanet İşleri Başkanlığı, Din İşleri Yüksek Kurulu