Әйелдің етеккірі кезінде, нифас кезінде немесе жуынбаған күйде жалпы дене тазалығын жасауға бола ма?

Кейбір фиқһ кітаптарында етеккір, нифас және жүніптік кезінде ғұсыл алмай тұрып шаш пен тырнақты алу, қолтық пен шатты тазалаудың тәниһен мәкруһ екені айтылған. (әл-Фәтәуә әл-Һиндиййә, 5/358) Алайда бұл мәселеге қатысты нақты дәлел жоқ. Сол сияқты басқа кейбір фиқһ кітаптарында бұл пікірдің дұрыс еместігі айтылған. (Бүжәйримий, Туһфа, 1/256; Димйати, Хашия, 1/77-85)

Сондықтан етеккір, нифас және жүніп күйде болған адамның ғұсыл алмай тұрып шаш пен тырнақты алуына, қолтық пен шатты тазалауына ешқандай кедергі жоқ.

Дереккөз: T.C. Diyanet İşleri Başkanlığı, Din İşleri Yüksek Kurulu