Алла қайда?

Уақыт пен мекен Алла тарапынан жаратылған және шектеулілікті білдіреді. Сондықтан уақытқа немесе мекенге тәуелді болу — жаратылғандарға тән қасиет. Ал Алла — Жаратушы. Сол себепті Алланы уақытпен немесе мекенмен шектеуге болмайды.

Уақыт пен мекеннен пәк болған Алла Тағала әрдайым құлдарына жақын және олармен бірге. Құран Кәрімде бұл мағынаны білдіретін көптеген аяттар бар; «Құлдарым саған Мен туралы сұраса (айт оларға): Мен өте жақынмын. Маған дұға еткеннің тілегіне жауап беремін. Ендеше олар да Менің шақыруыма жауап берсін және Маған сенсін, сонда тура жолды табады.» (әл-Бақара, 2/186), «Адамды Біз жараттық және оның нәпсісінің не сыбырлайтынын білеміз, әрі Біз оған күре тамырынан да жақынбыз.» (Қаф, 50/16), «Ол — көктер мен жерді алты күнде жаратқан, сосын Аршыға истиуа еткен... Қайда болсаңдар да, Ол сендермен бірге. Алла істегендеріңді көреді.» (әл-Хадид, 57/4)

«Рахман Аршқа истиуа етті.» (Таһа, 20/5) сияқты мутәшабих аяттарға сүйеніп, Алла аспанда деп түсіндіруді Ислам ғалымдарының көпшілігі қабылдамаған. Себебі бұл және ұқсас аяттардың мағынасы мутәшабих болып, Алланың ұлылығын білдіреді. Біз Алланы сипаттарымен танысақ та, Оның заты біздің түсінігіміз бен қиялымыздан тыс. Мұсылманға тиесілісі — Алланың адамға күре тамырынан да жақын екенін біліп, иман мен амал арқылы Раббысына бет бұрып, құлшылық міндетін орындауға тырысу.

Дереккөз: T.C. Diyanet İşleri Başkanlığı, Din İşleri Yüksek Kurulu