Әр қауымға пайғамбар жіберілген бе және пайғамбарлардың саны қанша?

Құран Кәрім алғашқы пайғамбар Адам (а.с.)-нан соңғы пайғамбар Мұхаммедке (с.а.с.) дейін көптеген пайғамбарлардың келгенін және әрбір қауымға Алланың пайғамбар жібергенін бізге хабарлайды. (Юнус, 10/47; ән-Нахль, 16/63; Фатыр, 35/24) Осыған байланысты «Ей Мұхаммед! Біз сенен бұрынғы қауымдарға да пайғамбар жібердік.» (әл-Хижр, 15/10) және «Расында, Біз әрбір үмметке: ‘Аллаға құлшылық етіңдер, тағуттан аулақ болыңдар’ деп пайғамбар жібердік…» (ән-Нахль, 16/36) деп айтылған. Бұл аяттар тарихи үдерісте Ұлы Алланың (с.т.) жалпы адамзатты пайғамбарсыз қалдырмағанын көрсетеді.

Құран Кәрімде айтылған «Біз пайғамбар жібермейінше (ешкімге) азап етуші емеспіз.» (әл-Исра, 17/15) және «Расында, сенен бұрын да пайғамбарлар жібердік. Олардың ішінде саған қиссаларын баяндағандарымыз да бар, жағдайларын саған айтпағандарымыз да бар.» (әл-Му’мин, 40/78) аяттары да жіберілген пайғамбарлардың саны Құранда аталған 25 пайғамбармен шектелмейтінін анық көрсетеді. Дегенмен, пайғамбарлардың нақты саны туралы анық мәлімет жоқ.

Дереккөз: T.C. Diyanet İşleri Başkanlığı, Din İşleri Yüksek Kurulu