Намаз уақытыУағалейкум ассалам!
Ислам діні бойынша ерлі-зайыптылардың артқы жолмен (анальды) жыныстық қатынасқа түсуіне рұқсат етілмейді. Бұл әрекет харам болып саналады.
Құран Кәрімнің «Бақара» сүресінің 223-аятында:
«Әйелдерің сендер үшін егіндік тәрізді. Егіндіктеріңе қалаған түрде жақындаңдар...» деп айтылған.
Алайда бұл аяттағы «қалаған түрде жақындаңдар» деген сөз артқы жолмен жыныстық қатынас жасауға рұқсат береді дегенді білдірмейді.
Пайғамбарымыздың (с.ғ.с.) түсіндіруіне сәйкес, ерлі-зайыптылар әртүрлі қалыпта жақындаса алады, бірақ жыныстық қатынас әйелдің табиғи жыныс мүшесі арқылы болуы тиіс. Артқы жақтан жақындасу мен артқы жол арқылы қатынас жасау — екі бөлек нәрсе.
Сондықтан ерлі-зайыптылардың өзара келісімі болған жағдайда да анальды қатынас жасауға шариғат бойынша рұқсат етілмейді.
Дереккөз: Құран Кәрім, Бақара сүресі, 223-аят және оның тәпсірі.
Алла разы болсын.