Балиғат жасына жетпеген бай балалардың мүлкінен зекет беру керек пе?

Адамның зекетпен міндеттелуі үшін ақыл-есі дұрыс және балиғат жасына жеткен болуы керек (Касани, Беда’и’, II, 9 және т.б.). Осыған байланысты, ханафи мәзһабына сәйкес, бай болса да балиғат жасына жетпеген балалардың мүлкінен зекет беру міндетті емес. Алайда, балаларға тиесілі егіншілік жерлерден алынған ауыл шаруашылығы өнімдерінің ұшыры, яғни зекеті берілуі керек (Серахси, әл-Мәбсут, III, 50; Ибн Нуджайм, әл-Бахр, II, 255). Шафиғи мәзһабына сәйкес, зекет беру үшін ақыл мен балиғат шарты жоқ. Бала мен ақыл-есі толық емес (жынды) адамның да зекет беруі керек (Ширбини, Муғни әл-мухтаж, I, 602).

Дереккөз: T.C. Diyanet İşleri Başkanlığı, Din İşleri Yüksek Kurulu