Дәрет алып жатқан адамға сәлем беруге бола ма?

Сәлемдесу — дінімізде аса маңызды амалдардың бірі. Пайғамбарымыз (с.а.с.) сәлемдесудің мұсылмандар арасында сүйіспеншіліктің таралуына себеп болатынын айтқан. (Мүслим, Иман, 93 [54]) Алайда, сәлем берілгенде оған жауап қайтара алмайтын жағдайда болған адамдарға сәлем беру дұрыс емес. Мысалы, азан, Құран Кәрім немесе құтпа оқып жатқанға, құтпа тыңдап отырғандарға сәлем беру мәкруһ деп есептелген. Дәрет алу да құлшылыққа дайындық әрі бір жағынан құлшылық болғандықтан, дәрет алып жатқан адамға сәлем бермеу абзал.

Дереккөз: T.C. Diyanet İşleri Başkanlığı, Din İşleri Yüksek Kurulu