Имам әйелдерге жеке ниет етуі керек пе? Өз алдына намаз оқып жатқан ер адамға кейіннен бір әйел келіп ұйи ала ма?

Имамның имамдыққа жасаған жалпы ниеті әйелдерді де қамтиды. Яғни, әйелдер үшін жеке ниет етуі қажет емес. Бірақ, ханафи мәзһабына сәйкес, имамдыққа ниет етпей, өз алдына намаз оқып жатқан ер адамға кейіннен бір әйел келіп ұйи алмайды. (Қараңыз: Ибн Абидин, Раддул-мухтар, 1/575-576)

Шафиғи мәзһабына сәйкес, имамның ерлерге де, әйелдерге де имамдық жасауға ниет етуі шарт емес, мұстахап болып табылады. (Ширбини, Мугнил-мухтаж, 1/502) Сондықтан, өз алдына намаз оқып жатқан ер адамға кейіннен бір әйел келіп ұйи алады.

Дереккөз: T.C. Diyanet İşleri Başkanlığı, Din İşleri Yüksek Kurulu