Жамағатпен намаз оқығанда азаншы болып тұрғандардың, азаншылар мінберінде жалғыз өзі намаз оқуы дұрыс па?

Жамағатпен оқылатын намаздарда саптардың түзу болуы, тығыз тұруы және арада бос орын қалдырылмауы керек.

Саптардың тәртібі туралы бір хадисте Пайғамбарымыз (с.а.с.) былай дейді: «Саптарыңды түзу ұстаңдар, өйткені саптардың түзілуі намаздың кемелдігіне жеткізетін шарттардың бірі.» (Бухари, Азан, 74 [723]; Муслим, Салат, 124 [433])

Мешіт ішінде имам мен жамағат арасындағы қашықтық көп болуы имамға ұюға кедергі болмаса да, себепсіз бір адамның саптан бөлек, жалғыз өзі имамға ұюы мәкруһ болып саналады. Осыған сәйкес, азаншының саптан бөлек тұруы дұрыс емес. (Касани, Беда’и, 1/216) Алайда микрофон қолдану қажеттілігі сияқты себептерге байланысты азаншылардың мешіт ішіндегі орындарынан имамға ұюында ешқандай кемшілік жоқ.

Дереккөз: T.C. Diyanet İşleri Başkanlığı, Din İşleri Yüksek Kurulu