Жаназа намазын оқудың белгілі бір уақыты бар ма? Жаназаны жерлеуді кешіктіруге бола ма?

Жаназа намазын оқу үшін арнайы белгіленген уақыт жоқ. Күннің кез келген уақытында жаназа намазы оқыла алады. Дегенмен, аса қажеттілік болмаса, мәкруһ уақыттарда оқу дұрыс емес (Мүслим, Саләтүл-мүсафирин, 293 [831]). Дайын болған жаназаны күттірмей, намазын оқып, тезірек жерлеу абзал (Тирмизи, Саләт, 13 [171]; Жанайыз, 73 [1075]).

Сонымен қатар, көпшілік жамағаттың қатысуы, марқұмның туыстары, жақындары, достары мен көршілеріне қайтыс болғанын естіртіп, соңғы міндетін атқару үшін жаназа рәсіміне қатысуына мүмкіндік жасау мақсатында жаназаны біраз уақытқа дейін күтуге болады.

Дереккөз: T.C. Diyanet İşleri Başkanlığı, Din İşleri Yüksek Kurulu