Жерленген мәйітті қабірден шығарып, басқа жерге көшіруге бола ма?

Қабірдің орнынан жол өтуі, су астында қалуы немесе тұрған жері басқа біреуге тиесілі болып, иесі сол жерде мәйітті жерлеуге рұқсат бермеуі сияқты мәжбүрлі жағдайлар болмағанша, жерленген мәйітті басқа зиратқа көшіру үшін қабірден шығару діни тұрғыдан рұқсат етілмейді. (Ибн Абидин, Реддүл-мухтар, 2/237-238; Шүрүнбүлілі, Меракул-фалах, 227; Мехмед Зихни, Ниғмет-и Ислам, 436)

Марқұмның өсиет қалдыруы, қабірді туыстарының зиярат етуінің қиындығы, жолының болмауы сияқты жайттар қабірді көшіруге негізді себеп болып саналмайды.

Дереккөз: T.C. Diyanet İşleri Başkanlığı, Din İşleri Yüksek Kurulu