Кандилдерде ораза ұстағысы келген адам, кандил түні болатын күні ме, әлде бір күннен кейін ораза ұстауы керек пе?

Діни тұрғыдан күн батқанда алдыңғы күн аяқталады да, жаңа күн басталады. Түн күндізден бұрын келеді. (Куртуби, әл-Жәми’, 14/15) Мысалы, Рамазан айы Шағбан айының соңғы күнінде күн батқанда басталатындықтан, сол түні тарауих намазы оқылады, ал Рамазанның соңғы күнінде күн батқанда Шәууәл айы басталатындықтан, ол түні тарауих намазы оқылмайды. Жұма күні де бейсенбі күні ақшам уақыты кіргенде басталып, жұма күні ақшам уақытына дейін жалғасады. Мысалы, «Режептің алғашқы жұма түні» делінсе, бейсенбіден алғашқы жұмаға жалғасатын түн (ақшам уақытынан таңға дейінгі кезең) түсініледі. Сондай-ақ, «Шағбанның 15-түні» — бұл айдың 14-күнін 15-күніне жалғайтын түн, «мереке түні» де — арапа күнін мерекеге жалғайтын түн.

Осыған байланысты кандил түндеріне арналған нәпіл оразалардың негізгі уақыты — түннен кейінгі күн болып табылады, бірақ алдыңғы күнмен бірге де ораза ұстауға болады.

Дереккөз: T.C. Diyanet İşleri Başkanlığı, Din İşleri Yüksek Kurulu