Намаздардың ракағат саны мен оқылу тәртібі неге негізделген?

Ғибадаттар тәуқифи болып табылады. Яғни, олардың парыз болу себептері мен орындалу тәртібін толықтай ақылмен білу мүмкін емес. Ғибадаттарға қатысты мәселелер Құранда жалпы түрде әмір етіліп, Пайғамбарымыздың (с.а.с.) іс-әрекеттерімен айқындалған.

Құранда намаздың белгілі уақыттарда парыз етілгені (ән-Ниса, 4/103) және қиям, қырағат, рукуғ, сәжде сияқты кейбір рүкіндері бар екені айтылған; осы ғибадаттың егжей-тегжейі мен намазда жасалуы тиіс басқа амалдарға қатысты мәселелер Пайғамбарымыздың (с.а.с.) сүннетімен бекітілген. (Бухари, Әзан, 95 [755-758]; Муслим, Салат, 45 [397]; Мәсәжид, 176 [613]) Мұның бір көрінісі ретінде Пайғамбарымыз (с.а.с.): «Мені намазды қалай оқып жатқанымды көрсеңдер, сендер де солай оқыңдар.» (Бухари, Әзан, 18 [631]) деп бұйырған. Осыған сәйкес, намазға қатысты жалпы үкім, рүкіндер мен шарттар Құранмен, ал олардың егжей-тегжейлері Расулулланың (с.а.с.) сүннетімен анықталған.

Дереккөз: T.C. Diyanet İşleri Başkanlığı, Din İşleri Yüksek Kurulu