Тіс пломбасын салдыру, қаптату немесе тіс темірін салдыру дәрет пен ғұсылға кедергі бола ма?

Емделу мақсатында тіс пломбасын салдыру немесе қаптату шариғатқа сай рұқсат етіледі. Пломба, қаптама, темір салдыру, имплант орнату немесе тұрақты протездер дәрет пен ғұсылдың дұрыс болуына кедергі келтірмейді. Алайда алынбалы/тұрақты емес тістерді ғұсыл кезінде ауызды шайғанда (мазмаза) алып тастау қажет.

Тіс пломбасы салынғаннан және оны қорғау үшін үсті қапталғаннан кейін, пломба мен қаптаманың сырты тістің сыртқы бөлігі үкімінде болады. Сондықтан ауыз шайылғанда, қапталған тістер де жуылған болып есептеледі. Осы себепті адам емделу мақсатында тістеріне пломба немесе қаптама салдыра алады және дәрет немесе ғұсыл алып, құлшылықтарын орындай алады. Аталған емшараның дәретсіз, жүніп немесе хайыз кезінде жасалуы да шариғатқа сай рұқсат етіледі.

Дереккөз: T.C. Diyanet İşleri Başkanlığı, Din İşleri Yüksek Kurulu