Зулхижжа айында және Арафа күнінде ораза ұстаудың артықшылығы қандай?

Зулхижжаның алғашқы тоғыз күнінде ораза ұстау мұстахап деп есептеледі. Қалаған адам барлық күндерін немесе бірнеше күнін ұстай алады.

Зулхижжаның тоғызыншы күні – Арафа күні дінде ерекше орынға ие. Пайғамбарымыз (с.а.с.) бұл күнді оразамен өткізу туралы: «Арафа күні ұсталған оразаның өткен және келесі жылдың күнәларына кәффарат болатынын Алладан үміт етемін.» (Мүслим, Сиям, 196-197 [1162]) деп айтқан. Бірақ қажылықта жүргендер үшін, құлшылықтарын толық орындау, қиындық пен әлсіздікке түспеу үшін Арафа күні ораза ұстамағаны дұрыс болады. (Әбу Дәуіт, Саум, 63 [2440]; Ибн Мәжә, Сиям, 40 [1732])

Дереккөз: T.C. Diyanet İşleri Başkanlığı, Din İşleri Yüksek Kurulu