Зулхижжа айының алғашқы он күнінің артықшылығы қандай?

Фәжр сүресінің 2-аятында айтылған «он түн» деп, кең тараған түсіндірмеге сәйкес, қажылық айы болып табылатын Зулхижжа айының алғашқы он түні меңзелген. (Рази, Мәфәтиһул-ғайб, 31/148) Зулхижжа айының алғашқы он күнінің артықшылығына ишара етіп, Пайғамбарымыз (с.а.с.): «Алла алдында осы он күнде жасалатын ізгі амалдан артық сүйікті амал жоқ» деген. Сонда сахабалар: «Уа, Алланың Елшісі! Алла жолындағы жиһадтан да артық па?» деп сұраған. Бұған Пайғамбарымыз (с.а.с.): «Иә, Алла жолындағы жиһадтан да. Бірақ малын және жанын қауіпке тігіп, жиһадқа шығып, шейіт болып қайтпайтын адамның жиһады басқа. (Ол бұдан артық.)» (Әбу Дәуіт, Саум, 61 [2438]; қараңыз: Бухари, ‘Идейн, 11 [969]) деп жауап берген.

Зулхижжа айының осы он күнінің артықшылығы — қажылық құлшылығының дәл осы айда орындалуымен байланысты. (Ибн Хажар, Фәтх, 6/110) Себебі бұл күндері қажылықтың кейбір рәсімдері орындалады, ал кейбірі (зиярат тауафы, шайтанға тас лақтыру сияқты) кейінгі тәшриқ күндерінде жүзеге асырылады. Зулхижжа айының тоғызыншы күні — Құрбан айттың арафа күнінде ұсталған оразаның да аса сауапты екені риуаяттарда айтылған. (Мүслим, Сиям, 196-197 [1162])

Дереккөз: T.C. Diyanet İşleri Başkanlığı, Din İşleri Yüksek Kurulu