Аялдар таравих намазын мечитте окуса болобу?

Пайгамбарыбыз (с.а.с.) аялдардын мечитке келүүгө уруксат экенин, бирок үйдөгү ибадаты артыкчылыктуу экенин ар кандай учурларда айткан жана мындай деген: “Аялдарыңардын мечитке баруусуна тоскоол болбогула. Бирок алардын үйү алар үчүн эң жакшы.” (Эбу Дәууд, Салат, 53 [567]; кара: Бухари, Жума, 13 [900]; Муслим, Салат, 136 [442]). Пайгамбарыбыз аялдардын мечитке баруусуна уруксат берген, ал тургай Рамазан жана Курман айт сыяктуу жалпы майрамдарда да алардын кубанычка ортоктошуусу үчүн айт намазына келүүсүн сунуштаганы белгилүү (Бухари, Идейин, 15, 19, 21 [974, 979, 981]; ал-Хаж, 81 [1652]; Муслим, Салату’л-Идейин, 1-3, 10-12 [884-885, 890]). Аллахтын Элчиси (с.а.с.) мечитке келген аялдарга айрым кеңештерди берип, көңүл буруучу кийим кийүүгө жана жыттуу май колдонууга тыюу салган (кара: Муслим, Либас, 125 [2128]; Салат, 141-142 [443]). Аялдардын намазды үйүндө окушу артыкчылыктуу болсо да, парз намаздарын жана таравих намазын тийиштүү тактык менен мечитте жамаат менен окуусунда эч кандай тоскоолдук жок (Зейлайи, Тебйин, 1/140; Ибн Нүжейм, ал-Бахр, 2/71).

Булак: T.C. Diyanet İşleri Başkanlığı, Din İşleri Yüksek Kurulu