Иш убактысынын жумага туш келиши, жума намазын окубоо үчүн негиздүү себеп болуп эсептелеби?

Жума намазы эркин, шылтоосу жок жана туруктуу жашаган ар бир мусулман эркекке парз-ы айн болуп эсептелет (ел-Жумъа, 62/9). Жума намазынын күчтүү парз экени жана бул намазды себепсиз таштап коюу чоң күнөө болуп эсептелерин айгинелеген сахих хадистер бар. Пайгамбарыбыз (с.а.с.) мындай деген: “Үч жолу маанилебей жума намазын таштаган адамдын жүрөгүн Аллах мөөр басат.” (Эбу Дауд, Салат, 209 [1052]; Тирмизи, Жум‘а, 7 [500]); “Кээ бир адамдар жума намазын таштоодон баш тартпаса, Аллах алардын жүрөгүн мөөр басат жана алар кайдыгерлерден болуп калышат.” (Муслим, Жум‘а, 40 [865]). Бул хадистер жума намазын таштоонун мусулман үчүн канчалык кооптуу экенин жетиштүү түшүндүрөт. Оорулуу жана жолдо жүргөндөр, ошондой эле жума убагында өтө маанилүү милдеттерди аткарып жаткандардан тышкары, акыл-эси жайында жана балакатка жеткен ар бир мусулман эркекке жума намазын окуу парз. Ибадат укугу дин жана абийир эркиндигинин алкагында. Бир динге ишенген адам, ишеним эркиндигинин уландысы катары, ошол диндин талаптарын аткарууга да укуктуу. Иш берүүчү намаз окууну каалаган кызматкерлерине жума жана беш маал намаздарын окууга шарт түзүп бериши керек. Кызматкерлерге парз намаздар үчүн уруксат бербөө туура эмес. Мындай абалдагы кызматкерлер укуктук жактан өз укуктарын коргошу жана башка жагынан өздөрүнө альтернатива жумуш издөөгө аракет кылышы керек. Бул мүмкүнчүлүккө ээ болбогон жана башка жол менен да тиричилигин камсыздай албаган адам үчүн бул абал жаңы жумуш тапканга чейин убактылуу шылтоо болуп эсептелет.

Булак: T.C. Diyanet İşleri Başkanlığı, Din İşleri Yüksek Kurulu