Ичкилик, кумар сыяктуу арам иштерди кылган адамга зекет же фитир берилеби?

Зекет, Тевбе сүрөсүнүн 60-аятында айтылган негизинен муктаждар болуп сегиз топтогу адамдарга берилет. Ошондуктан бул милдетти аткарууда диний жактан сезимтал муктаждарга артыкчылык берүү сунуш кылынса да, мусулман болгону шарт менен ар бир адамга берилсе болот.

Эгерде мыйзамсыз иштерди кылган жана берилген зекетти ошол иштерге жумшайт деп болжолдонгон муктаж адамга, анын үй-бүлөсүнүн муктаждыктарын эске алуу менен зекет берүү керек болсо, анда зекетти нак акча эмес, азык-түлүк же кийим-кече түрүндө берүү ылайыктуу болот.

Булак: T.C. Diyanet İşleri Başkanlığı, Din İşleri Yüksek Kurulu