Кандилдерде орозо тутууга байланыштуу диний милдеттүүлүк барбы?

Пайгамбар (с.а.с.) мындай деген: “Шаабандын он бешинчи түні (б.а. Берат түні) болгондо, ал түнү ибадат кылыңыздар, күндүзүндө орозо тутуңуздар. Алла Таала ошол түнү күн баткандан таң атканга чейин асманга (рахматы менен) түшүп: ‘Ким Менден кечирим сураса, кечирейин; ким Менден ырыскы сураса, ырыскы берейин; ким бир кыйынчылыкка учураса, ага амандык берейин; ким сураса…’ деп айтат.” (Ибн Мажа, Икамету’с-салават, 191 [1388]; караңыз: Тирмизи, Савм, 39 [739]) Башка жагынан Пайгамбар (с.а.с.) Зулхижжанын алгачкы тогуз күнүндө (Абу Дауд, Савм, 61 [2437]; Насаий, Сыям, 70 [2372]), дүйшөмбү жана бейшемби күндөрү, ашура жана арафа күндөрү орозо туткан (Муслим, Сыям, 196-197 [1162]; Насаий, Сыям, 70 [2372]; Ибн Мажа, Сыям, 41-42 [1733, 1739-1740]), дүйшөмбү орозосу тууралуу сурагандарга: “Бүгүн мен төрөлгөн жана пайгамбар болуп жиберилген – же Куран мага түшүрүлгөн – күн” (Муслим, Сыям, 197-198 [1162]) деп жооп берген.

Ушул жана ушул сыяктуу риваяттарга таянып, айрым ислам аалымдары диний жактан фазилаттуу деп эсептелген башка күн жана түндөрдү ибадат менен өткөрүү мустахап экенин айтышкан.

Булак: T.C. Diyanet İşleri Başkanlığı, Din İşleri Yüksek Kurulu