Курбандыкка союуда кандай ниет кылуу керек?

Ниет ибадаттын эң маанилүү шарттарынын бири болуп эсептелет. Ар бир амал ниет менен башталат. Ниетсиз амалдын мааниси жок. Пайгамбар Мухаммад (Аллахтын ага салам-салаваты болсун) мындай деп айткан:

«Чындыгында, амалдар ниетке жараша бааланат жана ар бир адамга ниет кылган нерсеси берилет» [1].

Курбандыкты туура чалуу үчүн үч шарт сакталышы керек: мал соо болушу, Курман айт күндөрү союлушу жана ниет болушу. Ниетти сөз менен айтуунун зарылдыгы жок, жүрөктөн өткөрүү жетиштүү. Эгер мал курбандык ниети менен союлса, шарт аткарылган болот.

Малды союудан мурда мындай ниет кылуу сунушталат: «Бисмиллахи, Аллаху Акбар! Оо, Раббим! Сен мага бул курбанды ырыскы кылып бердиң. Мен аны Сен үчүн курмандыкка чалдым. Бул курбанды менден кабыл ал!» же «Бисмиллахи, Аллаху Акбар!» деп айтуу жетиштүү.

Жабир ибн Абдулладан (Аллах андан ыраазы болсун) риваят: «Мен Курман айт күнү Аллахтын Элчиси (Аллахтын ага салам-салаваты болсун) менен бирге айт намазын окудум. Намаздан кийин ал кой алып келип, курбандыкка чалды да: «Бисмиллахи, Аллаху Акбар. Оо, Аллах! Бул менден жана менин үммөтүмдөн курбандык чалбагандардан» деп айтты» [2].

Кандай болгон күндө да ниет ибадат кылуучунун көңүлүн башка ойлордон арылтып, дене менен акылдын биримдигине жетүүгө жана ибадатты ихлас менен аткарууга жардам берет.

Курбандыкта ниеттин маанилүүлүгүнө мисалдар:

• <p>Эгер малды союучу адам курбандык чалып жатканын унутуп, жөн эле союп алса, анда анын ниети малды сатып алууда же курбандык деп белгилөөдө эсепке алынат.</p>

• <p>Эгер муктаж адам койду курбандыкка деп сатып алса, аны союуга ваджиб болот. Эгер ал мал уурдалып же жоголуп кетсе, милдет жок. Эгер курбандыкка деп ниет кылган малды союп үлгүрбөй, убакыт өтүп кетсе, байлар сыяктуу садага берүү керек.</p>

• <p>Эгер башка адам малды ээсинин уруксатысыз союп койсо да, курбандык кабыл болот. Себеби, мал ээси аны курбандыкка деп сатып алган ниети эсепке алынат [3].</p>

• <p>Эгер бир нече адам (бирден жети адамга чейин) бирге уй же төө союша турган болсо, ар биринин ниети курбандык болушу шарт. Эгер алардын бирөө эт алуу максатында гана катышса, эч кимисинин курбандыгы кабыл болбойт [4].</p>

Хасан Аманкул,

Шарият жана фатва бөлүмүнүн жетекчисинин орун басары

• <p>[1] Бухариден риваят.</p>

• <p>[2] Абу Дауд, Тирмизи риваяты.</p>

• <p>[3] «Аль-муфассал фил-фикх аль-ханафи», 217-бет.</p>

• <p>[4] «Фатава Хиндия», 5/351.</p>