МЕШИТ АДАБЫНА БАЙЛАНЫШТУУ 3 СУРОО

МЕШИТКЕ ДААРЕТСИЗ КИРСЕ БОЛОБУ?

Жооп: Мешитке дааретсиз кирүүгө тыюу жок. Бирок мусулман адам кайсы жерде болбосун даарет менен жүргөнү мустахаб болуп эсептелет [1]. Себеби Пайгамбарыбыз (ага Алланын саламы жана салаваты болсун) Билалдан (р.а.) жәннәттә кебисинин үнүн укканын айтып, андан кандай амал кылганын сураганда: «Азан айткан соң эки ракъат намаз окудум жана дааретим бузулса, ошол замат кайра даарет алчумун» [2], – деп жооп берген. Бул хадис дайыма даарет менен жүрүүнүн артыкчылыгына жана мустахаб экенине далил болот [3].

Ошондой эле Абу Хурайрадан жеткен хадисте Алланын Элчиси (ага Алланын саламы жана салаваты болсун): «Силердин бирөөңөр намаз окуган жеринде (мешитте) даарети бузулганга чейин периштелер ага: «Оо, Алла! Аны кечир. Оо, Алла! Ага ырайым кыл» деп дуба кылышат» [4], – деген.

МЕШИТКЕ ГУСУЛСУЗ КИРСЕ БОЛОБУ?

Жүніп (бой даарети жок) адамга гусул албай туруп, ошондой эле хайыз жана нифас учурундагы аялдарга мешитке кирүүгө болбойт [5]. Пайгамбарыбыз (ага Алланын саламы жана салаваты болсун):

لا أُحِلُّ الْمَسْجِدَ لِحَائِضٍ وَلا جُنُبٍ

«Жүніп адамга да, хайыздагы аялга да мешитке (киру) халал эмес» [6], – деген.

Эгерде мешитке кирүүгө зарылчылык жаралса, зарыл болсо, анда таяммум алып кирсе болот. Анткени суу жок учурда таяммум тазалыктын ордун басат. Эгерде мешитте уктап калып жүніп болуп калса, таяммум алып сыртка чыгышы керек [7].

МЕШИТКЕ «ШОРТЫ» МЕНЕН БАРСА БОЛОБУ?

Жооп: Жалпысынан намаз туура болушу үчүн аврат жерлер жабык болушу шарт [8]. Алла Таала Куранда мындай дейт:

يَا بَنِي آدَمَ خُذُوا زِينَتَكُمْ عِندَ كُلِّ مَسْجِدٍ

«Эй, Адамдын урпактары! Ар бир мешитте (ибадатта) кооз кийимдериңерди кийгиле (эң жакшы кийимдериңерди кийгиле)» [9].

Тафсир аалымдары бул аяттагы «кооз кийимдер» деген сөздү аврат жерлерди жабуу деп түшүндүрүшкөн. Эркектин авраты – киндигинин астынан тизесинин астына чейинки аралык [10]. Демек, ушул аврат жери жабык болсо, намазы туура болот. Бирок көйнөк, изар (дененин ылдый жагын жаап турган кийим), сәлде менен намаз окуу – мустахаб [11]. Ал эми бир гана шым менен намаз окуу – макрух [12].

Ошондуктан авратты жаппаган шорты кийүү – харам. Аны менен намаз окууга да, мешитке кирүүгө да болбойт. Эгер шорты тизеден төмөн болсо, андай шорты менен намаз окуу туура болгону менен, аны мешитке кийип барбай, кенен шым же башка ылайыктуу кийим кийип, мешит адабын сактаган жакшы. Анткени бул – Алланын үйү жана мусулман адам намаз окуганда Алланын алдында турганын сезиши керек. Көбүнчө кадырлуу адам менен жолукканда, мүмкүн болушунча кооздолуп, алдын ала даярдык көрөт. Ошол сыяктуу эле мусулмандар парздарын аткаруу үчүн Алланын үйүнө тазаланып, кооз кийимдерин кийип, жыпар жыт себинип барышы керек.

КМДБ Шариат жана фатва бөлүмү

• [1] «Хашияту әт-Тахтауи», 83.

• [2] Тирмизи, №3689.

• [3] Ибн Хажар, «Фатху ал-Барий», 3/35. Ан-Навави, «Шарх Муслим», 8/13.

• [4] Бухари, №93.

• [5] «Радду ал-Мухтар», 1/486. «ал-Мабсут», 3/180. «ал-Хидая», 1/31.

• [6] Абу Дауд, №232.

• [7] Мавсули, «ал-Ихтияр», 1/63-64.

• [8] «Радду ал-Мухтар», 2/75.

• [9] «Аъраф» сүрөсү, 31-аят.

• [10] «ал-Фатава ат-Татархания», 1/254.

• [11] Мавсули, «ал-Ихтияр», 1/147-148.

• [12] «Хашияту әт-Тахтауи», 349.