Нафил намаздарды мечитте окуу жакшыбы же үйдө окуу артыкчылыктуу болобу?

Пайгамбарбыз (с.а.с.) парз намаздарды жамаат менен окууну сунуштаган жана “Жамаат менен окулган намаз, жалгыз окулган намаздан жыйырма жетө даража артыкчылыктуу.” (Бухари, Азан, 30 [645]; Муслим, Масажид, 249-250 [650]) деп айткан. Башка бир хадисинде болсо: “Эгер адамдар шам жана таң намаздарын жамаат менен окуунун сообун билишсе, эмнеге болсо да карабай, сойлоп болсо да жамаатка катышышмак.” (Бухари, Азан, 32 [654]; Муслим, Салат, 129 [437]) деп айткан.

Пайгамбар (с.а.с.) беш убак парз намаздардын алдында жана кийин, ошондой эле парз намаздардан тышкары сүннөт жана нафил намаздарды окуган; сүннөт жана нафил намаздарды үйдө окуу туурараак экенин билдирген. Бир хадисинде мындай деген: “Эй адамдар! Үйүңөрдө намаз окугула. Анткени парз намаздан башка намаздардын эң кабыл болгону — адамдын үйүндө окуган намазы.” (Бухари, Азан, 81 [731]; Муслим, Салату’л-мусафирин, 213 [781]) Башка бир хадисинде Пайгамбар (с.а.с.): “Бирөөңөр парз намазын мечитте окуса, ошол намазынан үйүнө да бир үлүш бөлүп койсун. Анткени Аллах Таала, бул нафил намаздын себептүү үйүндө жакшылык жаратат.” (Муслим, Салату’л-мусафирин, 210 [778]) деп айткан; ал тургай “Намаздын бир бөлүгүн (ягни нафилдерди) үйлөрүңөрдө окугула, үйлөрүңөрдү көрүстөнгө айлантпагыла.” (Бухари, Салат, 52 [432]; Муслим, Салату’л-мусафирин, 208 [777]) деп эскерткен.

Демек, парз намаздардын сүннөттөрү да, бардык нафил намаздарды мечитте окуу мүмкүн болсо да, аларды үйдө окуу артыкчылыктуу болуп эсептелет.

Булак: T.C. Diyanet İşleri Başkanlığı, Din İşleri Yüksek Kurulu