Намаз кайсы учурларда бузулат?

Намазды себепсиз бузуу харам болуп эсептелет. Бирок айрым учурларда намазды бузуу важип, кээ бир учурларда мубах, кээде мустахаб болот. Адамдын өмүрүнө коркунуч туулганда; мисалы, кол салууга учураган, өрт же сууга түшүп кеткен адам жардам сураса, ага жардам берүү максатында намазды бузуу важип болот. Бир мүлктүн жок болушунан же уурдалып кетишинен сактоо максатында намазды бузуу мубах болуп саналат. (Ибн Абидин, Реддүл-мухтар, 1/654-655) Жалгыз намаз окуп жаткан адам жамаат менен намаз окуунун артыкчылыгына жетүү үчүн намазын токтотуп, парзга кошулса, бул мустахаб болуп эсептелет.

Булак: T.C. Diyanet İşleri Başkanlığı, Din İşleri Yüksek Kurulu