Намазда Фатиха сүрөсүн гана окуу менен парз болгон кырат аткарылган болуп эсептелеби?

Намазда бир аз өлчөмдө Куран окуу парз болуп саналат. Ханафи мазхабында артыкчылык берилген пикирге ылайык, бул өлчөм, эң аз дегенде үч кыска аят же ушул узундуктагы бир аят болушу керек. Айрыкча Фатиха сүрөсүн окуу важип. Демек, намазда Фатиха сүрөсү окулса, парз болгон кырат да, важип да аткарылган болот. Бирок Фатихадан кийин үч кыска аят же ушул узундуктагы бир сүрө окуу да важип. Ошондуктан, парз намаздардын алгачкы эки рекетинде, сүннөт намаздардын бардык рекеттеринде Фатихадан кийин сүрө же бир нече аят окубаган адам важипти таштаган болот. Эгер унутуп таштаса, сехив саждасы керек болот. Кастан ташталса, намазды кайра окуу важип. (Ибн Абидин, Реддүл-мухтар, 1/458)

Шафииттерге ылайык, кырат парзынын аткарылышы үчүн эң аз дегенде Фатиха окулушу керек. Мындан тышкары сүрө же бир нече аят окуу сүннөт болуп эсептелет. (Ширбини, Мугнил-мухтаж, 1/353, 361)

Булак: T.C. Diyanet İşleri Başkanlığı, Din İşleri Yüksek Kurulu