Өлүк адамды тазкия кылуунун мааниси жана өкүмү кандай?

Өлгөн адамдын жакшы момун болгондугуна мусулмандар күбөлүк беришине тазкия деп аталат. Ар бир мусулман, өлгөндө анын тууралуу жакшы күбөлүк берилчүдөй өмүр сүрүүгө аракет кылышы керек. Ошону менен бирге, өлгөн адамга аны тааныгандардын жакшы күбөлүгү пайда алып келет деп үмүт кылынат. Пайгамбарбыз (с.а.с.) мындай деген: “Бир мусулман өлгөндө, жакын кошуналарынан төрт үй-бүлө ага карата ‘Биз бул адам тууралуу жакшылыктан башка эч нерсе билбейбиз’ деп күбөлүк беришсе, Аллах Таала мындай дейт: ‘Эй момундар! Силер билген нерсени, бул өлүк тууралуу күбөлүгүңөрдү кабыл алдым, силер билбеген кемчиликтерин да Мен кечирдим.’” (Ахмед б. Ханбел, әл-Мүснед, 3/242 [13565])

Тазкия үчүн жаназа намазынан мурун же кийин, “Бул адамды кандай билесиздер?” деген суроого, жакшы белгилүү адамдар үчүн “жакшы билебиз” деп күбөлүк берүү, жаман белгилүү адамдар үчүн унчукпай коюу, таанылбаган адамдар үчүн болсо “Аллах рахмат кылсын” деп айтуу ылайыктуу болот. Анткени Пайгамбарбыз (с.а.с.) мындай деген: “Өлүктөрүңөрдү жакшылыктары менен эскергиле, жамандыктарын айтпагыла.” (Абу Дауд, Адаб, 49 [4900]; Тирмизи, Жаназа, 34 [1019])

Булак: T.C. Diyanet İşleri Başkanlığı, Din İşleri Yüksek Kurulu