Периштелердин бар экендиги кантип далилденет?

Периштелер — байкоо жана тажрыйбага негизделген позитивдүү илимдердин кызыкчылыгынан тышкары, сезүү органдары менен кабыл алынбаган жаратылыктар. Алардын көз менен же башка сезүү органдары менен кабыл алынбашы, алардын жок экенине далил болбойт. Позитивдүү илимдердин чегинен тышкары, сезүү органдары менен кабыл алынбаган көптөгөн нерселердин бар экенине ишенүү — чындык. Негизинен, адам акылы периштелердин бар экенин четке какпайт, аны мүмкүн деп эсептейт.

Бул тууралуу так маалымат берген, мааниси ачык көптөгөн аят жана хадистер бар. Алар периштелердин бар экенине момундарда эч кандай шек калтырбайт. Периштелердин бар экенине байланыштуу айрым далилдер төмөнкүчө:

a) Бардык пайгамбарлар өздөрү алып келген кабарларда периштелердин бар экенин билдиришкен. Бардык илахий диндерде периштелерге ишенүү бар.

b) Аллахтын сөзү экенине эч кандай шек жок болгон Куран Керимде периштелердин бар экенине жана алардын өзгөчөлүктөрүнө байланыштуу ондогон аяттар бар. (караңыз: ал-Бакара, 2/30-34; Худ, 11/69-70; ал-Хижр, 15/28-29; Фатыр, 35/1; аз-Зарият, 51/24-28; ан-Нажм, 53/5; ат-Тахрим, 66/6)

c) Өмүрүндө эч качан жалган сүйлөбөгөн Пайгамбар (с.а.с.) көптөгөн хадистеринде периштелер, алардын өзгөчөлүктөрү жана кээде аларды көргөнү тууралуу айткан. (караңыз: Муслим, Зухд, 60 [2996])

d) Улуу Жаратуучунун макро жана микро ааламда жараткан нерселериндеги теңдешсиз кооздук жана кемчиликсиздикти көрүп баалаган, жана ушул аркылуу Аллахты (с.а.с.) даңктап, улуктап турган өзгөчө жаратылыктардын болушу — акылга ылайык нерсе.

Булак: T.C. Diyanet İşleri Başkanlığı, Din İşleri Yüksek Kurulu