Зулхижжа айында жана Арафа күнүндө орозо кармоонун артыкчылыгы кандай?

Зулхижжанын алгачкы тогуз күнүндө орозо кармоо мустахаб деп эсептелет. Каалаган адам бул күндөрдүн бардыгында же бир нечесинде орозо кармай алат.

Зулхижжанын тогузунчу күнү болгон Арафа күнүнүн диндеги мааниси чоң. Пайгамбар (с.а.с.) бул күндү орозо менен өткөрүү тууралуу: “Арафа күнүндө кармалган орозо өткөн жана келерки жылдын күнөөлөрүнө кечирим болоруна Аллахтан үмүт кылам.” (Муслим, Сыям, 196-197 [1162]) деп айткан. Бирок ажылыкта жүргөндөргө ибадаттарын үзгүлтүккө учуратпоо жана чарчабоо үчүн Арафа күнү орозо кармабоо туурараак болот. (Абу Дауд, Савм, 63 [2440]; Ибн Мажа, Сыям, 40 [1732])

Булак: T.C. Diyanet İşleri Başkanlığı, Din İşleri Yüksek Kurulu