Аффирмаци хийх зөв үү?

Аффирмаци гэдэг нь латин хэлнээс "батлах, нотлох" гэсэн утгатай үг юм. Сэтгэл зүйн талаас нь авч үзвэл: "Би аз жаргалтай, би баян, миний сэтгэл санаа эрүүл, (байгаагүй ч гэсэн) миний том байшин бий" гэх мэт үгсийг өдөр бүр хэд хэдэн удаа давтан хэлж, өөрийгөө итгүүлэх, тархиндаа тэр бодлыг биелсэн мэтээр суулгахыг хэлнэ.

Аффирмацийг сурталчилж буй сэтгэл зүйчид өөрсдийн хэлдэг үгэндээ: "Аффирмаци ажиллахын тулд түүнд 100% итгэх хэрэгтэй. Хүсэл зорилгоо биелсэн мэтээр итгэлтэйгээр хэлэх ёстой. Үүнд бүрэн итгэж, олон давтан хэлсний үр дүнд л үр дүн гарна[1]" гэж заадаг. Мөн "Шашинд сайн сайхныг хүсэх бий, бүх сайн сайхныг зөвхөн Алла л өгдөг гэдэгт итгэдэг" гэх мэтээр шариаттай холбохыг оролддог.

Аффирмацид 100% итгэж, олон давтан хэлснээр хүсэл биелнэ, зөв хийж чадахгүй бол ажиллахгүй, хүсэл аффирмациар биеллээ гэж үзэх нь шариатын үндэстэй нийцэхгүй. Учир нь Аллагийн хүсэлгүйгээр юу ч болохгүй. Мэдээж шалтгааныг баримтлахгүй байх нь мунхаглал, гэхдээ тэр шалтгаан өөрөө ямар нэг зүйлийг бүтээнэ гэж итгэх нь куфр юм. Тиймээс бид аливаа үйлдэлдээ эхлээд Алла дээр тулгуурлах ёстой. Куранд Аллах Таала:

فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ

"Ямар нэгэн зүйлд шийдсэн бол Алла дээр тулгуурла! (тауба хий!). Алла үнэхээр Өөрт нь тулгуурлагсдыг хайрладаг" [2].

Өөр нэг аятад:

إِيَّاكَ نَعْبُدُ وَإِيَّاكَ نَسْتَعِينُ

"Зөвхөн Танд л мөргөж, зөвхөн Танаас л тусламж хүснэ" [3] гэж зөвхөн Түүнээс л хүсэхийг уриалсан.

Анас ибн Малик (р.а) дамжуулсан хадист Пайгамбар (Аллахын түүнд энх амгалан, ерөөл нь байх болтугай) хэлсэн нь:

لِيَسْأَلْ أَحَدُكُمْ رَبَّهُ حَاجَتَه حَتَّى يَسْأَلَهُ شِسْعَ نَعْلِهِ إِذَا انْقَطَعَ

"Та нарын хэн нэг нь хэрэгцээгээ Раббаасаа гуйг, бүр гутлынхаа үдээс тасарсан ч гэсэн Түүнээс гуйг" [4] гэж, зах зээлд дүүрэн байгаа үдээсийг ч Аллаас гуйхыг уриалсан. Тэгвэл яагаад шариатад үндэсгүй, саяхан гарч ирсэн онолыг хэрэглэх ёстой гэж?!

Кудси хадист Аллах Таала:

من ذا الَّذي يسألُني فأعطيَهُ...

"Хэн надаас гуйвал, би түүнд өгнө..." [5] гэжээ.

Тиймээс юу ч хүссэн, ямар хэрэгцээ байсан ч, зөвхөн Аллаас л гуйж, хоёр гараа өргөе. Алла бид бүхний хүслийг биелүүлэг! Амин.

Женис Абибуллаұлы,

Кызылорда мужийн пәтуаг хариуцсан мэргэжилтэн

• [1] "Ажиллана" гэдэг үгийг сэтгэл зүйчид заавал биелнэ гэсэн утгаар хэрэглэдэг.

• [2] "Али Имран" сүрэг, 159-р аят.

• [3] "Фатиха" сүрэг, 5-р аят.

• [4] Табарани, 5/373.

• [5] Бухари №1145, Муслим №758.