“Аллах” нэрийн оронд “Тэнгэр” гэсэн үгийг хэрэглэх нь зөв үү?

“Тэнгэр” гэдэг үг нь араб хэлний “иләһ” үгийн орчуулга юм. “Иләһ” гэдэг нь “шүтэгддэг оршихуй” гэсэн утгатай тул заримдаа Аллах Таалад (c.c.) хэрэглэгддэг ч, хүмүүсийн Аллахаас өөр шүтдэг зүйлсэд ч хэрэглэгддэг. Харин “Аллах” хэмээх нэр нь зөвхөн Аллах Таалад өөрт нь хамаарах онцгой нэр юм. Энэ утгаараа, каламын эрдэмтдийн үзэж байгаагаар “Аллах” гэдэг нэр нь Бурханы дээд мөн чанар болон бүх төгс шинж чанарыг илэрхийлдэг онцгой нэр юм. Ямар ч хэлэнд энэ нэрийн илэрхийлдэг онцгой утгыг бүрэн багтаах үг байхгүй. Мөн “Аллах” гэдэг нэр нь бүх мусульманчуудын хувьд нэг Бурханд итгэх итгэлийн нэгдмэл холбоо болдог. Иймд мусульманчууд шүтдэг цорын ганц бүтээгчээ “Аллах” гэж нэрлэх нь илүү зөв. Тиймээс “Аллах” нэрээр нь эсвэл “эсма-и хусна” гэж нэрлэгддэг 99 нэрийн аль нэгээр нь дуудах ёстой. Гэсэн ч, шашинд маань заасан төгс төгөлдөр, өө сэвгүй Дээд Аллахыг “Тэнгэр” гэж нэрлэх нь ч Исламын итгэл үнэмшилд харшлахгүй. Үүний адил Исламын нийгэмд “Худа”, “Ездан”, “Чалап”, “Мевла” гэх мэт үгс ч хэрэглэгдэж ирсэн байдаг.

Эх сурвалж: T.C. Diyanet İşleri Başkanlığı, Din İşleri Yüksek Kurulu