Бүх ард түмэнд элч илгээгдсэн үү, элч нарын тоо хэд вэ?

Куръан Кэримд анхны элч Хазрат Адам (а.с.)-аас эхлээд сүүлчийн элч Хазрат Мухаммад (с.а.с.) хүртэл олон элч ирж өнгөрснийг, мөн бүх үндэстэнд Аллах элч илгээсэн тухай мэдээлдэг. (Юнус, 10/47; ан-Нахл, 16/63; Фатыр, 35/24) Энэ талаар “Эй Мухаммад! Чамд өмнө нь ч бид ард түмнүүдэд элч илгээсэн.” (аль-Хижр, 15/10) болон “Бид үнэхээр бүх үндэстэнд ‘Аллахад шүтэн мөргө, тахуутаас зайл’ гэж элч илгээсэн...” (ан-Нахл, 16/36) гэж айлдсан байна. Эдгээр айятууд нь түүхэн явцад Дээдэс Аллах (с.с.) хүн төрөлхтнийг ерөнхийд нь элчгүй орхиогүйг харуулж байна.

Куръан Кэримд орсон “Бид элч илгээгээгүй бол (хэнийг ч) шийтгэгч биш.” (аль-Исра, 17/15) болон “Бид чамаас өмнө ч элч нар илгээсэн. Тэдний заримын түүхийг чамд өгүүлсэн, заримынх нь байдлыг чамд мэдэгдээгүй.” (аль-Мүъмин, 40/78) айятууд нь илгээгдсэн элч нарын тоо Куръанд дурдагдсан 25 элчээр хязгаарлагдахгүйг тодорхой харуулж байна. Гэсэн хэдий ч элч нарын тооны талаар тодорхой мэдээлэл байхгүй.

Эх сурвалж: T.C. Diyanet İşleri Başkanlığı, Din İşleri Yüksek Kurulu