Эмэгтэй хүн эрэгтэй эмчид үзүүлж болох уу?

Шариатаар бол гадны хүний ичимдэг эрхтэнд харахыг хориглосон байдаг. Энэ талаар Аллах Таала Куран дээр ингэж айлдсан байна:

قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ.

“(Мухаммад С.Э.) Итгэгч эрчүүдэд хэл: (Гадны эмэгтэйчүүд рүү харахаас) нүдээ хамгаалж, ичимдэг эрхтнээ (садар самуун үйлдлээс) хамгаал” [1] .

وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ.

“Итгэгч эмэгтэйчүүдэд ч хэл: (Гадны эрчүүд рүү) нүдээ хамгаалж, ичимдэг эрхтнээ (садар самуун үйлдлээс) хамгаал” [2] .

Зөвхөн зайлшгүй шаардлагатай үед эмч өвчтөний өвдсөн хэсгийг үзэхийг зөвшөөрдөг [3] . Энэ нь “Зайлшгүй үед хориглосон зүйлс зөвшөөрөгдөнө”, “Зайлшгүй байдал зөвхөн хэрэгцээний хэмжээгээр зөвшөөрөгдөнө” [4] гэх фиқхийн зарчмуудад тулгуурладаг.

Ханафи мазхабын эрдэмтэн аль-Маусули ингэж бичсэн байдаг:

“Эмч эмчилгээний аргыг эмэгтэйчүүдэд заах ёстой. Учир нь эрэгтэй хүн эмэгтэйд харахаас эмэгтэй хүн эмэгтэйд харах нь илүү хөнгөн бөгөөд фитнээс хол байдаг. Харин боломжгүй бол аль болох нүдээ хамгаалах хэрэгтэй. Жирэмсэн эмэгтэйг төрүүлэх үед ч эх баригч эмэгтэй аль болох нүдээ хамгаалахыг хичээх ёстой” [5] гэжээ.

Тиймээс эмэгтэй хүн хамгийн түрүүнд мусульман, чадварлаг эмэгтэй эмчийг сонгох хэрэгтэй. Хэрэв боломжгүй бол өөр шашны боловч итгэлтэй, туршлагатай эмэгтэйд хандаж болно. Харин тэд байхгүй бол итгэлтэй мусульман эрэгтэй эмчид хандаж болно. Гэхдээ заавал эмэгтэйн махрам (ойрын хамаатан) эсвэл итгэлтэй хүн хамт байх ёстой.

Казахстаны Мусульмануудын Удирдах Зөвлөлийн Шариат ба Фатва хэлтэс

• [1] “Нур” сүрэг, 30-р аят.

• [2] “Нур” сүрэг, 31-р аят.

• [3] Марғиниани, “аль-Хидая шарху бидаяти аль-мубтади би шархи Абдулхай аль-Лакнауи”, 7/191.

• [4] Ибн Нужайм, “аль-Ашбах ва ан-назаир”, 73.

• [5] Аль-Маусули, “аль-Ихтиар ли таалили аль-мухтар”, 4/109.