Эмэгтэйчүүд будалт хийж болох уу?

Эмэгтэйчүүд болон охид шариатын хүрээнээс хэтрэхгүйгээр гоёх, будалт хийхийг зөвшөөрдөг [1]. Аллах Кураныд ингэж айлдсан байна:

قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ

"(Хэл, Мухаммад!) "Аллах Өөрийн боолууддаа гаргаж өгсөн гоёл чимэглэл, сайн сайхан амьжиргааг хэн хориглосон юм бэ?" гэж хэл" [2].

Энэ аят нь ямар ч гоёл чимэглэл мубах (зөвшөөрөгдсөн) болохыг харуулж байна [3].

Жабирын уламжлалд: "Али Йеменаас Аллахын Элчийн тэмээг авч ирэхэд, Фатима ихрамаас гарч, будсан хувцас өмсөж, нүдэндээ сүрма түрхсэн байсныг харжээ" [4], – гэжээ.

Тиймээс эмэгтэйчүүд сүрма хэрэглэхийг зөвшөөрдөгтэй адил, нүүр будалт болон бусад гоо сайхны бүтээгдэхүүн хэрэглэх боломжтой. Гэхдээ дараах нөхцөлүүдийг хангах ёстой:

• Нөхөр болон махрамуудынхаа [5] өмнө будалт хийх; эдгээрээс бусад гаднын хүмүүсийн өмнө нимгэн ч бай, зузаан ч бай будалт хийхийг хориглоно.

• Хор хөнөөлгүй байх;

• Нөхөр нь нас барсан эмэгтэй идда хугацаандаа байхгүй байх; учир нь идда хугацаанд эмэгтэйд сүрма түрхэх, будалт хийх, үнэртэй ус хэрэглэхийг хориглодог [6].

• Ёс суртахууны хэм хэмжээнээс хэтрэхгүй, зан заншилд харшлахгүй байх;

• Тансаглал, үрэлгэн байдал гаргахгүй байх;

• Будалтын бүтээгдэхүүний найрлагад бузар, хориотой, ус нэвтрүүлэхгүй зүйл байх ёсгүй. Учир нь эрдэмтэд тахарт угаах ёстой эрхтнүүд болон гусл хийхэд бүх биед ус хүрэх ёстой гэдэг дээр санал нэгтэй байдаг [7].

Монголын Исламын Шариатын болон Фатвагийн хэлтэс

[1] Камал ибн Хумам, "Фатху аль-кадир", 2/347. Аз-Зайлаги, "Табийн аль-хакайк", 1/331. Аль-Хаттаб, "Мавахиб аль-жалил", 4/230. Аш-Шибини, "Мугни аль-мухтаж", 3/400. Аль-Бухути, "Шарх мунтаха аль-ирадат", 2/114. Самия Хаяша, "Навазилу зинату аль-марати фи аль-фикхи аль-исламия", 26.

[2] Аъраф сүрэ, 32-р аят.

[3] Аль-Касими, "Махасину ат-тавил", 5/46.

[4] Муслим, №1218.

[5] Махрам – эмэгтэйн нөхөр болон хэзээ ч гэрлэх боломжгүй эрэгтэй төрөл садангууд. Үүнд: эцэг, өвөө, хүү, төрсөн ах дүү, тэдний хөвгүүд, эгч дүүсийн хөвгүүд, эцгийн төрсөн ах дүү, эхийн төрсөн ах дүү, нөхрийн эцэг (хадам аав), өвөө, нөхрийн өөр эхнэрээс төрсөн хөвгүүд, сүүлийн эхийн нөхөр, хөвгүүд. Мөн сүүлийн эхийн эцэг, нөхөр, ах дүү, хөвгүүд болон түүнээс сүү авсан өөр эрэгтэй хүүхдүүд. Учир нь шариатад нэг эхээс сүү авсан хүмүүсийн хүүхдүүд хоорондоо гэрлэхийг хориглодог.

[6] "Фатху аль-кадир", 4/340. "Аль-иная", 4/336.

[7] "Аль-маусуату аль-муйассарату фи фики аль-кадая аль-муасара", 58.