Фитрийн садааг хэнд өгөх боломжтой вэ, хэнд өгөх боломжгүй вэ?

Фитрийн садааг хүн өөрөө тэжээх үүрэггүй ядуу мусульман хүмүүст өгнө. Фитрийн садаа болон мацагийн төлбөрийг өгөх ёстой хүн эдгээрээс шууд болон шууд бусаар ашиг хүртэх ёсгүй. Зекатын хувьд ч мөн энэ дүрэм үйлчилнэ. Иймээс хүн өөрийн эцэг эх, өвөө эмээ (усул), хүүхэд, ач зээ болон тэдний хүүхдүүдэд (фуруу) зекат, фитрийн садаа, төлбөрөө өгөх боломжгүй. (Усул гэдэг нь хүний ээж, аав, өвөө, эмээ; фуруу гэдэг нь хүүхэд, ач зээ болон тэдний хүүхдүүд юм.) Мөн эхнэр, нөхөр бие биедээ зекат, фитрийн садаа, төлбөр өгөх боломжгүй.

Ханафи мазхабынхны үзэж байгаагаар доорх хүмүүст фитрийн садаа өгөхгүй:

a) Ээж, аав, өвөө, эмээ, b) Хүү, хүүгийн хүүхдүүд, охин, охины хүүхдүүд болон тэднээс төрсөн хүүхдүүд, c) Эхнэр/нөхөр, d) Баян хүн буюу үндсэн хэрэгцээнээсээ илүү нисаб хэмжээний хөрөнгөтэй хүн, e) Эцэг нь баян, насанд хүрээгүй хүүхэд (Мэргинани, ал-Хидая, 1/111-112)

f) Шафиитууд болон Имам Абу Юсуфын үзэж байгаагаар фитрийн садааг мусульман бус хүнд өгөх боломжгүй. (Маверди, ал-Хави, 3/387; 10/519; Мэргинани, ал-Хидая, 1/111)

Дээр дурдагдаагүй ах, эгч, нагац, авга, хамаатан садан, бэр, хүргэн, хадам аав, хадам ээж зэрэг хамаатан садан нь баян биш бол тэдэнд зекат, фитрийн садаа, төлбөр өгөх боломжтой. (Зейлай, Тебийн, 1/301)

Эх сурвалж: T.C. Diyanet İşleri Başkanlığı, Din İşleri Yüksek Kurulu