Гэрийн ажил эмэгтэй хүний үүрэг үү?

Асуулт: Эмэгтэй хүн гэр цэвэрлэх, хоол хийх, хувцас угаах зэрэг гэрийн ажлыг хийх ёстой юу?

Хариулт: Ерөнхийдөө зарим эрдэмтэд эмэгтэй хүн гэрийн ажлыг хийх ёстой гэж үздэг бол, зарим нь заавал хийх албагүй гэж хэлдэг. Гэсэн ч Ханафи мазхаб-ын үзэл баримтлалаар эмэгтэй хүн нөхөртөө шашны үүднээс үйлчлэх нь үүрэг юм[1]. Өөрөөр хэлбэл, гэр цэвэрлэх, хувцас угаах, хоол хийх зэрэг гэрийн ажилд оролцох ёстой. Энэ нь олон зуун жилийн турш зан заншил болон тогтсон эмэгтэй хүний нөхрийн өмнөх үүрэг юм[2]. Үүний баталгаа нь Пайгамбар маань (түүнд Аллахын энэрэл, амар амгалан байг) Али ба Фатима хоёрын хооронд зуучлан, гаднах ажлыг Алид, гэрийн ажлыг Фатимад хариуцуулсан явдал юм[3].

Мөн Пайгамбарын (түүнд Аллахын энэрэл, амар амгалан байг) болон сахабуудын эхнэрүүд ч гэрийн ажил хийдэг байсан[4]. Айша эхнэр маань:

«Пайгамбарын мисуаг болон угаалгын усыг нь бэлдэж өгдөг байсан» [5] гэжээ.

Абу Бакрын охин Асмаа мөн ингэж хэлсэн байна:

«Гэрийн бүх ажил миний үүрэг байсан. Нөхөр Зубайрынхаа адуунд тэжээл өгч, өөрөө усалдаг байлаа»[6].

Иймд эмэгтэй хүн гэр цэвэрлэх, хоол хийх, хувцас угаах зэрэг гэрийн ажлыг хийх нь үүрэг юм. Орчин үеийн охид, эмэгтэйчүүд гэрийн ажилд сахаба эмэгтэйчүүдийг үлгэрлэн, үүнийг өөрсдийн шүтлэгийн нэг хэсэг гэж үзэх нь зүйтэй. Ингэснээр нөхрийн сэтгэл ханамжийг ч олж авна.

Харин эр хүн эхнэртээ хүч хүрэхгүй ажлыг тулгах ёсгүй. Харин боломжтой үедээ түүнд туслах нь зөв.

• Әл-Бәдәйығу әс-санайығу фи тәртиби әш-шәрайығи, 4/192. Әл-Мәусуға әл-Фиқһия, 19/44.

• Мухаммад Абу Заһра, Әл-ахуалу әш-шахсия,166 б.

• Ибн Хажар, Фәтху әл-бәри, 9/507.

• Нәбил инб Кәмәлуддин Мухаммад Тахун. Әхкәму әл-усра фи әл-исләм, 240 б.

• Муслим риуаяты.

• Бұхари, 6/157.