Гэрт гарсан эмэгтэй овгоо сольж болох уу?

Шариатын ёсоор хүн бүр өөрийн төрсөн эцгийн нэрээр дуудуулах ёстой. Аллах Таала Кураанд:

ادْعُوهُمْ لِآبَائِهِمْ هُوَ أَقْسَطُ عِندَ اللَّهِ

“Өөрийн үрчилж авсан хүүхдүүдийг эцгийнх нь нэрээр дууд. Энэ нь Аллахын өмнө хамгийн зөв юм” [1] гэж айлдсан.

Энэ аятад тулгуурлан зарим эрдэмтэд гэрлэсэн эмэгтэй нөхрийнхөө овгийг авахыг хориглодог [2]. Харин зарим эрдэмтэд эмэгтэй нөхрийнхөө овгийг авах нь заншил болсон, мөн танигдахын тулд бол болохгүй зүйл биш гэж үздэг [3]. Учир нь Кураанд “Нухын эхнэр, Лутын эхнэр” [4] гэж эмэгтэйчүүдийг нөхрийнх нь нэрээр танилцуулсан байдаг.

Абу Саид аль-Худригаас (Аллах түүнд сэтгэл хангалуун байх болтугай) уламжлагдсан хадист: “Масъудын эхнэр Зайнаб (Аллах түүнд сэтгэл хангалуун байх болтугай) Аллахын Элчид (түүнд Аллахын энх амгалан, ерөөл нь байх болтугай) орж болох эсэхийг асуусан. “Аллахын Элч ээ! Зайнаб орж болох уу?” гэхэд, тэрээр “Ямар Зайнаб?” гэж асуусан. “Масъудын эхнэр” гэж хариулсан. Тэгээд “Оруул” гэжээ. Ингээд түүнд орохыг зөвшөөрсөн” [5].

Тиймээс гэрлэсэн эмэгтэй эцгийнхээ нэрээр дуудуулах ёстой. Үүнийг өөрчлөх нь хориотой. Харин нөхрийнхөө овгийг авах нь болохгүй зүйл биш, гэхдээ заавал тэгэх албагүй. Мөн нөхөр нь эмэгтэйг өөрийн овгийг авахыг албадах ёсгүй.

Монголын Исламын Шашны Ерөнхий Газрын Шариат, фатвагийн хэлтэс

• [1] “Ахзаб” сүрэг, 5-р аят.

• [2] https://www.fatawah.net/Questions/11366.aspx

• [3] Айман Абдулхамит аль-Бадарайни, “Фатва мағасара”, 2/113-116.

• [4] “Тахрим” сүрэг, 10-р аят.

• [5] Бухари, №1462. Муслим, №80.