Хажет намазыг хэрхэн унших вэ?

Мусульман хүн өөрт хэрэгтэй зүйлийг олж авахын тулд Аллахын заасан шалтгаан, хууль журмыг чадах чинээгээрээ биелүүлж, үр дүнг нь Аллахаас хүлээх ёстой. Үүний зэрэгцээ ахир буюу дэлхийд хамаарах хүсэл мөрөөдөл биелэхийг хүсэж, Аллахын таалалд нийцүүлэн намаз унших нь зохистой. Энэ намазыг “Хажет намаз” гэж нэрлэдэг. Энэ талаар Расулуллах (с.а.с.) ингэж айлдсан байна: “Хүн хэрэгтэй зүйлийг Аллахаас эсвэл хүнээс хүсэх гэж байгаа бол эхлээд сайтар угаал үйлдэж, дараа нь хоёр рак'ат намаз уншиг. Дараа нь Аллахыг дурсаж, Расулуллахад салават илгээж, дараах үгийг хэлэг:

لاَ إِلَهَ إِلاَّ اللَّهُ الحَلِيمُ الكَرِيمُ، سُبْحَانَ اللهِ رَبِّ العَرْشِ العَظِيمِ، الحَمْدُ لِلَّهِ رَبِّ العَالَمِينَ، أَسْأَلُكَ مُوجِبَاتِ رَحْمَتِكَ وَعَزَائِمَ مَغْفِرَتِكَ وَالغَنِيمَةَ مِنْ كُلِّ بِرٍّ وَالسَّلاَمَةَ مِنْ كُلِّ إِثْمٍ لاَ تَدَعْ لِي ذَنْبًا إِلاَّ غَفَرْتَهُ وَلاَ هَمًّا إِلاَّ فَرَّجْتَهُ وَلاَ حَاجَةً هِيَ لَكَ رِضًا إِلاَّ قَضَيْتَهَا يَا أَرْحَمَ الرَّاحِمِينَ.

“Өршөөнгүй, өгөөмөр Аллахаас өөр бурхан үгүй. Агуу сэнтийн Эзэн Аллахыг алдаршуулъя. Бүх магтаал нь ертөнцийн Эзэн Аллахад зориулагдана. Таны өршөөлийг авчрах үйлс, уучлалыг чинь хүртээх шалтгаан, бүх сайн сайхныг хүртэх, бүх нүглээс аврагдахыг Танаас гуйя. Намайг уучлаагүй нүгэл, арилгаагүй зовлон бүү үлдээ. Таалалд чинь нийцэх бүх хүсэлтийг минь биелүүлээч!” (Tirmizî, Vitir, 348 [479]; İbn Mâce, İкâметү’с-салавât, 189 [1384])

Хажет намазыг дөрөв эсвэл хоёр рак'атаар уншиж болно. Арван хоёр рак'атаар уншдаг гэх риваят ч бий. Энэ намазыг дөрвөн рак'атаар унших бол эхний рак'атад Фатиха сүрээс хойш гурван удаа Аятүл-Күрси, бусад гурван рак'атад тус бүр Фатиха, Ихлас, Фалак, Нас сүрээг нэг нэгээр уншина. Дараа нь дээр дурдсан дуа-г уншина. (Ибн Абидин, Раддул мухтар, 2/28)

Эх сурвалж: T.C. Diyanet İşleri Başkanlığı, Din İşleri Yüksek Kurulu