Хар, илбэ болон шидээс хэрхэн хамгаалах вэ?

Ислам шашин нь хамгийн том нүглүүдийн нэг гэж үздэг илбэ, шидийг хатуу хориглож, Куръан Кэримд илбэ хийдэг хүмүүсийн хувьд ахирын ертөнцөд хувь хүртэхгүй бөгөөд ийм үйлдэл хийдэг хүмүүсийн хорлолос Аллахаас аврал эрэх ёстойг онцолсон байдаг. (эл-Бакара, 2/102; эл-Фалак, 113/4) Мөн Пайгамбар Мухаммад (с.а.с.) илбэ хийхийг долоон том нүглийн нэгэнд тооцсон. (Бухари, Васая, 23 [2766]; Худуд, 44 [6857]; Муслим, Иман, 145 [89])

Жахилийн үед илбэ, шид маш өргөн дэлгэрсэн байв. Бөө, мэргэч төлөгч, од эрхэсээр зөгнөх, суманд мэргэлэх, утас зангидаж үлээх зэрэг үйлдэл түгээмэл байжээ. Шашингүйчүүд энэ байдлаас үүдэн Куръаныг ч илбэний бүтээл гэж хүртэл гүтгэж байв. (Сад, 38/4; эз-Зарият, 51/52)

Илбэ, шидээс хамгаалах хамгийн үр дүнтэй арга бол Аллахаас аврал эрж, Түүнд итгэх явдал юм. Пайгамбар Мухаммад (с.а.с.) бүх муу зүйлээс Аллахаас аврал эрж, байнга Фалак, Нас сүрэ болон Аятүл-Курси-г уншдаг байсан. (Бухари, Векалет, 10 [2311]; Фазаилүл-Куръан, 10, 14 [5010, 5016-5017]) Мөн тэрээр ач хөвгүүд болох Хасан (р.а.), Хусейн (р.а.) нарыг муу нүд, илбэ болон бусад хорлолос хамгаалахын тулд дараах залбирлыг уншдаг байжээ:

أَعُوذُ بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْنٍ لاَمَّةٍ

“Бүх төрлийн чөтгөр, хорт шавьж болон муу нүднээс Аллахын төгс үгсэд аврал эрнэ.” (Бухари, Эхадисүл-энбия, 10 [3371]) Үүнээс гадна илбэд өртсөн гэж үзсэн хүн эмчилгээг Аллахаас хүлээж, итгэдэг хүмүүстээ хандан Куръан уншуулж, залбируулахад ямар нэгэн хориотой зүйл байхгүй. Дээд шашны зөвлөл 1979 оны 9-р сарын 28-ны өдрийн 1883 тоот шийдвэрээр өвчтэй хүмүүст Аллахаас эмчилгээ хүсэж Куръан болон эмчилгээтэй холбоотой залбирлуудыг унших нь зөвшөөрөгдөх бөгөөд харин хүмүүсийг хуурч, ирээдүйг зөгнөх зорилгоор үлээх, домнохыг шашнаар хориглосон гэжээ.

Эх сурвалж: T.C. Diyanet İşleri Başkanlığı, Din İşleri Yüksek Kurulu