Хязгаарын өдөр бүх орчлонд болох уу?

Асуулт: Хязгаарын өдөр зөвхөн Дэлхий дээр болох уу? Эсвэл бүх орчлонд болох уу? Илон Маскийн "Хэрвээ хүн төрөлхтөн Марс руу нүүвэл, дэлхийн төгсгөлөөс аврагдана" гэсэн санааг хэрхэн ойлгох вэ?

Хариулт: Аллах Таала Коранд:

«Шөнө ба өдрийг, нар ба сарийг бүтээсэн нь зөвхөн Тэр. (Нар ба сар шиг тэнгэрийн биетүүд) бүгд өөрийн замаар хөвж явна» гэжээ (Әнбия» сүрэг, 33-р аят).

Нарны аймагт Нар болон түүнийг тойрон эргэдэг 9 том гариг (Меркурий, Сугар, Дэлхий, Ангараг, Бархасбадь, Санчир, Тэнгэрийн ван, Далайн ван, Плутон) бий. Мөн гаригийн дагуулууд, астероид, сүүлт од, олон тооны солирын биетүүд ч бий. Манай галактикаас гадна бусад оддын бөөгнөрөл ч тоо томшгүй олон.

Гаригуудыг массын хэмжээ, химийн найрлага, эргэх хурд, дагуулуудын тоогоор нь хоёр бүлэгт хуваадаг. Нарт хамгийн ойр дөрвөн гариг (Меркурий, Сугар, Дэлхий, Ангараг) харьцангуй жижиг, голдуу металл ба чулуунаас бүрддэг. Эдгээрийг шинжлэх ухаанд «дэлхийн төрлийн гаригууд» гэж нэрлэдэг. Харин Бархасбадь, Санчир, Тэнгэрийн ван, Далайн ван, Плутон зэрэг аварга гаригууд илүү том бөгөөд голдуу хөнгөн элементүүдээс (устөрөгч, гелий, метан гэх мэт) тогтдог.

Сүүлийн үед дэлхийн хамгийн баян хүн Илон Маск "гаригууд дотроос Дэлхийгээс өөр Марс дээр хүн амьдрах боломжтой, тэр ч байтугай тийшээ нүүвэл хүн төрөлхтөн дэлхийн төгсгөлөөс аврагдана" гэсэн санааг дэвшүүлж байна. Гэвч Коран судрын айат болон исламын шашны итгэл үнэмшил энэ нь хий хоосон мөрөөдөл болохыг харуулдаг.

Нэгдүгээрт, эдгээр есөн гариг дундаас Дэлхий бол бидний үнэт гэр, эх орон. Учир нь Аллах Таала хүн төрөлхтөнд:

«Дэлхий дээр та нарт тодорхой хугацаанд оршин суух байр, ашиг тус бий. Та нар энэ дэлхий дээр амьдарч, эндээ нас барна, мөн (үхсэний дараа дахин амилж) дэлхийгээс гарч ирнэ» гэжээ («Ағраф» сүрэг, 24-25-р аят).

Энэ айатад хүн энэ хөрсөнд төрж, эндээ нас барж, эндээ оршуулагдаж, мөн эндээ дахин амилж цугларна гэж өгүүлсэн. Өөрөөр хэлбэл, хүн төрөлхтний хувь заяа бүгд энд өрнөнө. Бусад газар амьдрал байхгүй. Тиймээс Дэлхийгээс өөр гариг дээр оршин суухыг эрэлхийлэх нь утгагүй хэрэг. Хэдий ирээдүйд хэн нэгэн өөр гариг дээр амьдрах боломж оллоо ч, энэ нь Аллахын шийдвэрийг өөрчилж чадахгүй.

Хоёрдугаарт, Бүтээгч Эзэн хүн төрөлхтнийг бүтээж, дэлхийг өвлүүлэн өгсөн. Энэ тухай Коранд:

«Тэр та нарыг дэлхий дээр халифа болгосон (өөрөөр хэлбэл, Аллах та нарыг дэлхийг хөгжүүлж, Өөрийн хууль журмаар амьдарч, бусад бүтээлийг захирах төлөөлөгч болгосон)» гэжээ («Фатыр» сүрэг, 39-р аят).

«Дэлхийн халифа» гэдэг нь үе залгамжлан амьдарч, дэлхийн бүх зүйлийг бүрэн ашиглаж, бүх бүтээл нь түүнд үйлчилж, захирах эрхтэй гэсэн утгатай.

Гуравдугаарт, "бусад гариг дээр хүн амьдрах боломжтой" гэж үзье. Гэвч хязгаарын өдөр болох үед Дэлхийтэй хамт Нарны аймгийн бүх гариг сүйрэх тухай Аллах Таала Коранд ингэж айлджээ:

«Нар ороогдож, гэрэл нь унтарч, одод бутран унаж, гэрэл нь үгүй болох үед» («Тәкуир» сүрэг, 1-2-р аят), «Аймшигт айдаснаас нүд нь харанхуйлж, сар халхлагдаж, нар ба сар нийлэн нэгдвэл, тэр өдөр хүн: "Зугтах газар бий юу?!" – гэж хэлнэ. Үгүй ээ, тэр өдөр хоргодох газар үгүй! Тэр өдөр бүгд Эзнийхээ өмнө очно» («Қиямет» сүрэг, 7-12-р аят).

Хасан АМАНҚУЛ

«Мунара» сонин, №4, 2021 он