Хирдгийн үед ямар намаз уншдаг вэ?

Нарны хирдгийг «кусуф», сарны хирдгийг «хусуф» гэж нэрлэдэг.

Хэрвээ аль нэг оронд нарны хирдгийн үзэгдэл болбол, тухайн орны имам олон нийтийн хамт хоёр ракаатын намазыг азан, каматгүйгээр уншина. Элч төлөөлөгч Мухаммад (Аллахын энх амгалан, ивээл түүнд байх болтугай) нар хирдгийн үед удаан зогсож, хоёр ракаат намаз уншсан бөгөөд дараа нь ингэж хэлсэн байна:

«Эдгээр үзэгдэл бол Аллахын сүр хүчний илрэл юм. Аллах иймэрхүү үзэгдлээр Өөрийн боолуудыг айлгадаг. Хэрвээ та нар хирдгийг харвал, сүүлчийн заавал унших ёстой намаз шигээ намаз уншицгаа» [1].

Сар болон нарны тухай Аллах ингэж айлдсан байна:

«Түүний шинж тэмдгүүдийн нэг бол шөнө, өдөр, нар, сар юм. Нар, сарт мөргөж бүү сөхөр, харин тэднийг бүтээсэн Аллахад сөхөрч мөргө, хэрэв та нар Түүнд л мөргөдөг бол» [2].

Энэ аят дахь «сөхөр» гэсэн тушаал нь сар болон нар хирдгийн үед намаз уншихыг илэрхийлж байна. Намазыг сүмд уншихыг зөвлөдөг. Гэхдээ өөр газар ч уншиж болно. Намазын дараа имам джамаатын зүг харж дуа уншина, нар гарч иртэл. Дараа нь джамаат «Аминь» гэж хэлнэ.

[1] Бухари, Кусуф, 1, 17

[2] Фуссилат, 41/37.